ଅଧ୍ୟାତ୍ମରାମାୟଣମାହାତ୍ମ୍ୟମ୍ ବ୍ରହ୍ମାଣ୍ଡପୁରାଣେ
ଅଧ୍ୟାତ୍ମରାମାୟଣମାହାତ୍ମ୍ୟମ୍ ବ୍ରହ୍ମାଣ୍ଡପୁରାଣେ
ରାମଂ ବିଶ୍ୱମୟଂ ବନ୍ଦେ ରାମଂ ବନ୍ଦେ ରଘୂଦ୍ୱହମ୍ ।
ରାମଂ ବିପ୍ରବରଂ ବନ୍ଦେ ରାମଂ ଶ୍ୟାମାଗ୍ରଜଂ ଭଜେ ॥
ଯସ୍ୟ ବାଗଂଶୁତଶ୍ଚ୍ୟୁତଂ ରମ୍ୟଂ ରାମାୟଣାମୃତମ୍ ।
ଶୈଲଜାସେବିତଂ ବନ୍ଦେ ତଂ ଶିବଂ ସୋମରୂପିଣମ୍ ॥
ସଚ୍ଚିଦାନନ୍ଦସନ୍ଦୋହଂ ଭକ୍ତିଭୂତିବିଭୂଷଣମ୍ ।
ପୂର୍ଣାନନ୍ଦମହଂ ବନ୍ଦେ ସଦ୍ଗୁରୁଂ ଶଙ୍କରଂ ସ୍ୱୟମ୍ ॥
ଅଜ୍ଞାନଧ୍ୱାନ୍ତସଂହର୍ତ୍ରୀ ଜ୍ଞାନଲୋକବିଲାସିନୀ ।
ଚନ୍ଦ୍ରଚୂଡବଚଶ୍ଚନ୍ଦ୍ରଚନ୍ଦ୍ରିକେୟଂ ବିରାଜତେ ॥
ଅପ୍ରମେୟତ୍ରୟାତୀତନିର୍ମଲଜ୍ଞାନମୂର୍ତୟେ ।
ମନୋଗିରାଂ ବିଦୂରାୟ ଦକ୍ଷିଣାମୂର୍ତୟେ ନମଃ ॥ ୧॥
ସୂତ ଉବାଚ ।
କଦାଚିନ୍ନାରଦୋ ଯୋଗୀ ପରାନୁଗ୍ରହବାଞ୍ଛୟା ।
ପର୍ୟଟନ୍ ସକଲାନ୍ ଲୋକାନ୍ ସତ୍ୟଲୋକମୁପାଗମତ୍ ॥ ୨॥
ତତ୍ର ଦୃଷ୍ଟ୍ୱା ମୂର୍ତିମଦ୍ଭିଶ୍ଛନ୍ଦୋଭିଃ ପରିବେଷ୍ଟିତମ୍।
ବାଲାର୍କପ୍ରଭୟା ସମ୍ୟଗ୍ଭାସୟନ୍ତଂ ସଭାଗୃହମ୍ ॥ ୩॥
ମାର୍କଣ୍ଡେୟାଦିମୁନିଭିଃ ସ୍ତୂୟମାନଂ ମୁହୁର୍ମୁହୁଃ ।
ସର୍ୱାର୍ଥଗୋଚରଜ୍ଞାନଂ ସରସ୍ୱତ୍ୟା ସମନ୍ୱିତମ୍ ॥ ୪॥
ଚତୁର୍ମୁଖଂ ଜଗନ୍ନାଥଂ ଭକ୍ତାଭୀଷ୍ଟଫଲପ୍ରଦମ୍ ।
ପ୍ରଣମ୍ୟ ଦଣ୍ଡବଦ୍ଭକ୍ତ୍ୟା ତୁଷ୍ଟାବ ମୁନିପୁଙ୍ଗବଃ ॥ ୫॥
ସନ୍ତୁଷ୍ଟସ୍ତଂ ମୁନିଂ ପ୍ରାହ ସ୍ୱୟମ୍ଭୂର୍ୱୈଷ୍ଣବୋତ୍ତମମ୍ ।
କିଂ ପ୍ରଷ୍ଟୁକାମସ୍ତ୍ୱମସି ତଦ୍ୱଦିଷ୍ୟାମି ତେ ମୁନେ ॥ ୬॥
ଇତ୍ୟାକର୍ଣ୍ୟ ବଚସ୍ତସ୍ୟ ମୁନିର୍ବ୍ରହ୍ମାଣମବ୍ରବୀତ୍ ।
ତ୍ୱତ୍ତଃ ଶ୍ରୁତଂ ମୟା ସର୍ୱଂ ପୂର୍ୱମେବ ଶୁଭାଶୁଭମ୍ ॥ ୭॥
ଇଦାନୀମେକମେବାସ୍ତି ଶ୍ରୋତବ୍ୟଂ ସୁରସତ୍ତମ ।
ତଦ୍ରହସ୍ୟମପି ବ୍ରୂହି ଯଦି ତେଽନୁଗ୍ରହୋ ମୟି ॥ ୮॥
ପ୍ରାପ୍ତେ କଲିୟୁଗେ ଘୋରେ ନରାଃ ପୁଣ୍ୟବିବର୍ଜିତାଃ ।
ଦୁରାଚାରରତାଃ ସର୍ୱେ ସତ୍ୟବାର୍ତାପରାଙ୍ମୁଖାଃ ॥ ୯॥
ପରାପବାଦନିରତାଃ ପରଦ୍ରବ୍ୟାଭିଲାଷିଣଃ ।
ପରସ୍ତ୍ରୀସକ୍ତମନସଃ ପରହିଂସାପରାୟଣାଃ ॥ ୧୦॥
ଦେହାତ୍ମଦୃଷ୍ଟୟୋ ମୂଢା ନାସ୍ତିକା ପଶୁବୁଦ୍ଧୟଃ ।
ମାତାପିତୃକୃତଦ୍ୱେଷାଃ ସ୍ତ୍ରୀଦେବାଃ କାମକିଙ୍କରାଃ ॥ ୧୧॥
ବିପ୍ରା ଲୋଭଗ୍ରହଗ୍ରସ୍ତା ବେଦବିକ୍ରୟଜୀବିନଃ ।
ଧନାର୍ଜନାର୍ଥମଭ୍ୟସ୍ତବିଦ୍ୟା ମଦବିମୋହିତାଃ ॥ ୧୨॥
ତ୍ୟକ୍ତସ୍ୱଜାତିକର୍ମାଣଃ ପ୍ରାୟଶଃ ପରବଞ୍ଚକାଃ।
କ୍ଷତ୍ରିୟାଶ୍ଚ ତଥା ବୈଶ୍ୟାଃ ସ୍ୱଧର୍ମତ୍ୟାଗଶୀଲିନଃ ॥ ୧୩॥
ତଦ୍ୱଚ୍ଛୂଦ୍ରାଶ୍ଚ ଯେ କେଚିଦ୍ବ୍ରାହ୍ମଣାଚାରତତ୍ପରାଃ।
ସ୍ତ୍ରିୟଶ୍ଚ ପ୍ରାୟଶୋ ଭ୍ରଷ୍ଟା ଭର୍ତ୍ରବଜ୍ଞାନନିର୍ଭୟାଃ ॥ ୧୪॥
ଶ୍ୱଶୁରଦ୍ରୋହକାରିଣ୍ୟୋ ଭବିଷ୍ୟନ୍ତି ନ ସଂଶୟଃ।
ଏତେଷାଂ ନଷ୍ଟବୁଦ୍ଧୀନାଂ ପରଲୋକଃ କଥଂ ଭବେତ୍ ॥ ୧୫॥
ଇତି ଚିନ୍ତାକୁଲଂ ଚିତ୍ତଂ ଜାୟତେ ମମ ସନ୍ତତମ୍ ।
ଲଘୂପାୟେନ ଯେନୈଷାଂ ପରଲୋକଗତିର୍ଭବେତ୍।
ତମୁପାୟମୁପାଖ୍ୟାହି ସର୍ୱଂ ବେତ୍ତି ଯତୋ ଭବାନ୍ ॥ ୧୬॥
ଇତ୍ୟୃଷେର୍ୱାକ୍ୟମାକର୍ଣ୍ୟ ପ୍ରତ୍ୟୁବାଚାମ୍ବୁଜାସନଃ ।
ସାଧୁ ପୃଷ୍ଟଂ ତ୍ୱୟା ସାଧୋ ବକ୍ଷ୍ୟେ ତଚ୍ଛୃଣୁ ସାଦରମ୍ ॥ ୧୭॥
ପୁରା ତ୍ରିପୁରହନ୍ତାରଂ ପାର୍ୱତୀ ଭକ୍ତବତ୍ସଲା।
ଶ୍ରୀରାମତତ୍ତ୍ୱଂ ଜିଜ୍ଞାସୁଃ ପପ୍ରଚ୍ଛ ବିନୟାନ୍ୱିତା ॥ ୧୮॥
ପ୍ରିୟାୟୈ ଗିରିଶସ୍ତସ୍ୟୈ ଗୂଢଂ ବ୍ୟାଖ୍ୟାତବାନ୍ ସ୍ୱୟମ୍।
ପୁରାଣୋତ୍ତମମଧ୍ୟାତ୍ମରାମାୟଣମିତି ସ୍ମୃତମ୍ ॥ ୧୯॥
ତତ୍ପାର୍ୱତୀ ଜଗଦ୍ଧାତ୍ରୀ ପୂଜୟିତ୍ୱା ଦିବାନିଶମ୍।
ଆଲୋଚୟନ୍ତୀ ସ୍ୱାନନ୍ଦମଗ୍ନା ତିଷ୍ଠତି ସାମ୍ପ୍ରତମ୍ ॥ ୨୦॥
ପ୍ରଚରିଷ୍ୟତି ତଲ୍ଲୋକେ ପ୍ରାଣ୍ୟଦୃଷ୍ଟବଶାଦ୍ୟଦା ।
ତସ୍ୟାଧ୍ୟଯନମାତ୍ରେଣ ଜନା ଯାସ୍ୟନ୍ତି ସଦ୍ଗତିମ୍ ॥ ୨୧॥
ତାବଦ୍ୱିଜୃମ୍ଭତେ ପାପଂ ବ୍ରହ୍ମହତ୍ୟାପୁରଃସରମ୍।
ଯାବଜ୍ଜଗତି ନାଧ୍ୟାତ୍ମରାମାୟଣମୁଦେଷ୍ୟତି ॥ ୨୨॥
ତାବତ୍କଲିମହୋତ୍ସାହୋ ନିଃଶଙ୍କଂ ସମ୍ପ୍ରବର୍ତତେ।
ଯାବଜ୍ଜଗତି ନାଧ୍ୟାତ୍ମରାମାୟଣମୁଦେଷ୍ୟତି ॥ ୨୩॥
ତାବଦ୍ୟମଭଟାଃ ଶୂରାଃ ସଞ୍ଚରିଷ୍ୟନ୍ତି ନିର୍ଭୟାଃ।
ଯାବଜ୍ଜଗତି ନାଧ୍ୟାତ୍ମରାମାୟଣମୁଦେଷ୍ୟତି ॥ ୨୪॥
ତାବତ୍ସର୍ୱାଣି ଶାସ୍ତ୍ରାଣି ବିବଦନ୍ତେ ପରସ୍ପରମ୍ ॥ ୨୫॥
ତାବତ୍ସ୍ୱରୂପଂ ରାମସ୍ୟ ଦୁର୍ବୋଧଂ ମହତାମପି ।
ଯାବଜ୍ଜଗତି ନାଧ୍ୟାତ୍ମରାମାୟଣମୁଦେଷ୍ୟତି ॥ ୨୬॥
ଅଧ୍ୟାତ୍ମରାମାୟଣସଙ୍କୀର୍ତନଶ୍ରବଣାଦିଜମ୍ ।
ଫଲଂ ବକ୍ତୁଂ ନ ଶକ୍ନୋମି କାର୍ତ୍ସ୍ନ୍ୟେନ ମୁନିସତ୍ତମ ॥ ୨୭॥
ତଥାପି ତସ୍ୟ ମାହାତ୍ମ୍ୟଂ ବକ୍ଷ୍ୟେ କିଞ୍ଚିତ୍ତବାନଘ।
ଶୃଣୁ ଚିତ୍ତଂ ସମାଧାୟ ଶିବେନୋକ୍ତଂ ପୁରା ମମ ॥ ୨୮॥
ଅଧ୍ୟାତ୍ମରାମାୟଣତଃ ଶ୍ଲୋକଂ ଶ୍ଲୋକାର୍ଧମେବ ବା।
ଯଃ ପଠେତ୍ ଭକ୍ତିସଂୟୁକ୍ତଃ ସ ପାପାନ୍ମୁଚ୍ୟତେ କ୍ଷଣାତ୍ ॥ ୨୯॥
ଯସ୍ତୁ ପ୍ରତ୍ୟହମଧ୍ୟାତ୍ମରାମାୟଣମନନ୍ୟଧୀଃ।
ଯଥାଶକ୍ତି ବଦେଦ୍ଭକ୍ତ୍ୟା ସ ଜୀବନ୍ମୁକ୍ତ ଉଚ୍ୟତେ ॥ ୩୦॥
ଯୋ ଭକ୍ତ୍ୟାର୍ଚୟତେଽଧ୍ୟାତ୍ମରାମାୟଣମତନ୍ଦ୍ରିତଃ।
ଦିନେ ଦିନେଽଶ୍ୱମେଧସ୍ୟ ଫଲଂ ତସ୍ୟ ଭବେନ୍ମୁନେ ॥ ୩୧॥
ଯଦୃଚ୍ଛୟାପି ଯୋଽଧ୍ୟାତ୍ମରାମାୟଣମନାଦରାତ୍।
ଅନ୍ୟତଃ ଶୃଣୁୟାନ୍ମର୍ତ୍ୟଃ ସୋଽପି ମୁଚ୍ୟେତ ପାତକାତ୍ ॥ ୩୨॥
ନମସ୍କରୋତି ଯୋଽଧ୍ୟାତ୍ମରାମାୟଣମଦୂରତଃ।
ସର୍ୱଦେବାର୍ଚନଫଲଂ ସ ପ୍ରାପ୍ନୋତି ନ ସଂଶୟଃ ॥ ୩୩॥
ଲିଖିତ୍ୱା ପୁସ୍ତକେଽଧ୍ୟାତ୍ମରାମାୟଣମଶେଷତଃ।
ଯୋ ଦଦ୍ୟାଦ୍ରାମଭକ୍ତେଭ୍ୟସ୍ତସ୍ୟ ପୁଣ୍ୟଫଲଂ ଶୃଣୁ ॥ ୩୪॥
ଅଧୀତେଷୁ ଚ ବେଦେଷୁ ଶାସ୍ତ୍ରେଷୁ ବ୍ୟାକୃତେଷୁ ଚ ।
ଯତ୍ଫଲଂ ଦୁର୍ଲଭଂ ଲୋକେ ତତ୍ଫଲଂ ତସ୍ୟ ସମ୍ଭବେତ୍ ॥ ୩୫॥
ଏକାଦଶୀଦିନେଽଧ୍ୟାତ୍ମରାମାୟଣମୁପୋଷିତଃ ।
ଯୋ ରାମଭକ୍ତଃ ସଦସି ବ୍ୟାକରୋତି ନରୋତ୍ତମଃ ॥ ୩୬॥
ତସ୍ୟ ପୁଣ୍ୟଫଲଂ ବକ୍ଷ୍ୟେ ଶୃଣୁ ବୈଷ୍ଣବସତ୍ତମ ।
ପ୍ରତ୍ୟକ୍ଷରଂ ତୁ ଗାୟତ୍ରୀପୁରଶ୍ଚର୍ୟାଫଲଂ ଭବେତ୍ ॥ ୩୭॥
ଉପବାସବ୍ରତଂ କୃତ୍ୱା ଶ୍ରୀରାମନବମୀଦିନେ ।
ରାତ୍ରୌ ଜାଗରିତୋଽଧ୍ୟାତ୍ମରାମାୟଣମନନ୍ୟଧୀଃ।
ଯଃ ପଠେଚ୍ଛୃଣୁୟାଦ୍ୱାପି ତସ୍ୟ ପୁଣ୍ୟଂ ବଦାମ୍ୟହମ୍ ॥ ୩୮॥
କୁରୁକ୍ଷେତ୍ରାଦିନିଖିଲପୁଣ୍ୟତୀର୍ଥେଷ୍ୱନେକଶଃ।
ଆତ୍ମତୁଲ୍ୟଂ ଧନଂ ସୂର୍ୟଗ୍ରହଣେ ସର୍ୱତୋମୁଖେ ॥ ୩୯॥
ବିପ୍ରେଭ୍ୟୋ ବ୍ୟାସତୁଲ୍ୟେଭ୍ୟୋ ଦତ୍ୱା ଯତ୍ଫଲମଶ୍ନୁତେ।
ତତ୍ଫଲଂ ସମ୍ଭବେତ୍ତସ୍ୟ ସତ୍ୟଂ ସତ୍ୟଂ ନ ସଂଶୟଃ ॥ ୪୦॥
ଯୋ ଗାୟତେ ମୁଦାଽଧ୍ୟାତ୍ମରାମାୟଣମହର୍ନିଶମ୍।
ଆଜ୍ଞାଂ ତସ୍ୟ ପ୍ରତୀକ୍ଷନ୍ତେ ଦେବା ଇନ୍ଦ୍ରପୁରୋଗମାଃ ॥ ୪୧॥
ପଠନ୍ ପ୍ରତ୍ୟହମଧ୍ୟାତ୍ମରାମାୟଣମନୁବ୍ରତଃ।
ଯଦ୍ୟତ୍କରୋତି ତତ୍କର୍ମ ତତଃ କୋଟିଗୁଣଂ ଭବେତ୍ ॥ ୪୨॥
ତତ୍ର ଶ୍ରୀରାମହୃଦୟଂ ଯଃ ପଠେତ୍ ସୁସମାହିତଃ ।
ସ ବ୍ରହ୍ମଘ୍ନୋଽପି ପୂତାତ୍ମା ତ୍ରିଭିରେବ ଦିନୈର୍ଭବେତ୍ ॥ ୪୩॥
ଶ୍ରୀରାମହୃଦୟଂ ଯସ୍ତୁ ହନୂମତ୍ପ୍ରତିମାନ୍ତିକେ।
ତ୍ରିଃ ପଠେତ୍ ପ୍ରତ୍ୟହଂ ମୌନୀ ସ ସର୍ୱେପ୍ସିତଭାଗ୍ଭବେତ୍ ॥ ୪୪॥
ପଠନ୍ ଶ୍ରୀରାମହୃଦୟଂ ତୁଲସ୍ୟଶ୍ୱତ୍ଥୟୋର୍ୟଦି।
ପ୍ରତ୍ୟକ୍ଷରଂ ପ୍ରକୁର୍ୱୀତ ବ୍ରହ୍ମହତ୍ୟାନିବର୍ତନମ୍ ॥ ୪୫॥
ଶ୍ରୀରାମଗୀତାମାହାତ୍ମ୍ୟଂ କୃତ୍ସ୍ନଂ ଜାନାତି ଶଙ୍କରଃ।
ତଦର୍ଧଂ ଗିରିଜା ବେତ୍ତି ତଦର୍ଧଂ ବେଦ୍ମ୍ୟହଂ ମୁନେ ॥ ୪୬॥
ତତ୍ତେ କିଞ୍ଚିତ୍ପ୍ରବକ୍ଷ୍ୟାମି କୃତ୍ସ୍ନଂ ବକ୍ତୁଂ ନ ଶକ୍ୟତେ ।
ଯଜ୍ଜ୍ଞାତ୍ୱା ତତ୍କ୍ଷଣାଲ୍ଲୋକଶ୍ଚିତ୍ତଶୁଦ୍ଧିମବାପ୍ନୁୟାତ୍ ॥ ୪୭॥
ଶ୍ରୀରାମଗୀତା ଯତ୍ପାପଂ ନ ନାଶୟତି ନାରଦ।
ତନ୍ନ ନଶ୍ୟତି ତୀର୍ଥାଦୌ ଲୋକେ କ୍ୱାପି କଦାଚନ।
ତନ୍ନ ପଶ୍ୟାମ୍ୟହଂ ଲୋକେ ମାର୍ଗମାଣୋଽପି ସର୍ୱଦା ॥ ୪୮॥
ରାମେଣୋପନିଷତ୍ସିନ୍ଧୁମୁନ୍ମତ୍ଥ୍ୟୋତ୍ପାଦିତଂ ମୁଦା।
ଲକ୍ଷ୍ମଣାୟାର୍ପିତାଂ ଗୀତାସୁଧାଂ ପୀତ୍ୱାଽମରୋ ଭବେତ୍ ॥ ୪୯॥
ଜମଦଗ୍ନିସୁତଃ ପୁର୍ୱଂ କାର୍ତବୀର୍ୟବଧେଚ୍ଛୟା।
ଧନୁର୍ୱିଦ୍ୟାମଭ୍ୟସିତୁଂ ମହେଶସ୍ୟାନ୍ତିକେ ବସନ୍ ॥ ୫୦॥
ଅଧୀୟମାନାଂ ପାର୍ୱତ୍ୟା ରାମଗୀତାଂ ପ୍ରୟତ୍ନତଃ ।
ଶ୍ରୂତ୍ୱା ଗୃହୀତ୍ୱାଽଽଶୁ ପଠନ୍ନାରାୟଣକଲାମଗାତ୍ ॥ ୫୧॥
ବ୍ରହ୍ମହତ୍ୟାଦିପାପାନାଂ ନିଷ୍କୃତିଂ ଯଦି ବାଞ୍ଛତି।
ରାମଗୀତାଂ ମାସମାତ୍ରଂ ପଠିତ୍ୱା ମୁଚ୍ୟତେ ନରଃ ॥ ୫୨॥
ଦୁଷ୍ପ୍;ରତିଗ୍ରହଦୁର୍ଭୋଜ୍ୟଦୁରାଲାପାଦିସମ୍ଭବମ୍।
ପାପଂ ଯତ୍ତତ୍କୀର୍ତନେନ ରାମଗୀତା ବିନାଶୟେତ୍ ॥ ୫୩॥
ଶାଲଗ୍ରାମଶିଲାଗ୍ରେ ଚ ତୁଲସ୍ୟଶ୍ୱତ୍ଥସନ୍ନିଧୌ।
ଯତୀନାଂ ପୁରତସ୍ତଦ୍ୱତ୍ ରାମଗୀତାଂ ପଠେତ୍ତୁ ଯଃ ॥ ୫୪॥
ସ ତତ୍ଫଲମବାପ୍ନୋତି ଯଦ୍ୱାଚୋଽପି ନ ଗୋଚରମ୍ ॥ ୫୫॥
ରାମଗୀତାଂ ପଠନ୍ ଭକ୍ତ୍ୟା ଯଃ ଶ୍ରାଦ୍ଧେ ଭୋଜୟେଦ୍ଦ୍ୱିଜାନ୍।
ତସ୍ୟ ତେ ପିତରଃ ସର୍ୱେ ଯାନ୍ତି ବିଷ୍ଣୋଃ ପରଂ ପଦମ୍ ॥ ୫୬॥
ଏକାଦଶ୍ୟାଂ ନିରାହାରୋ ନିୟତୋ ଦ୍ୱାଦଶୀଦିନେ।
ସ୍ଥିତ୍ୱାଗସ୍ତ୍ୟତରୋର୍ମୂଲେ ରାମଗୀତାଂ ପଠେତ୍ତୁ ଯଃ।
ସ ଏବ ରାଘବଃ ସାକ୍ଷାତ୍ ସର୍ୱଦେବୈଶ୍ଚ ପୂଜ୍ୟତେ ॥ ୫୭॥
ବିନା ଦାନାଂ ବିନା ଧ୍ୟାନଂ ବିନା ତୀର୍ଥାବଗାହନମ୍ ।
ବହୁନା କିମିହୋକ୍ତେନ ଶୃଣୁ ନାରଦ ତତ୍ତ୍ୱତଃ।
ରାମଗୀତାଂ ନରୋଽଧୀତ୍ୟ ତଦନନ୍ତଫଲଂ ଲଭେତ୍ ॥ ୫୮॥
ଶ୍ରୁତିସ୍ମୃତିପୁରାଣେତିହାସାଗମଶତାନି ଚ।
ଅର୍ହନ୍ତି ନାଲ୍ପମଧ୍ୟାତ୍ମରାମାୟଣକଲାମପି ॥ ୫୯॥
ଅଧ୍ୟାତ୍ମରାମଚରିତସ୍ୟ ମୁନୀଶ୍ୱରାୟ
ମାହାତ୍ମ୍ୟମେତଦୁଦିତଂ କମଲାସନେନ ।
ଯଃ ଶ୍ରଦ୍ଧୟା ପଠତି ବା ଶୃଣୁୟାତ୍ ସ ମର୍ତ୍ୟଃ
ପ୍ରାପ୍ନୋତି ବିଷ୍ଣୁପଦବୀଂ ସୁରପୂଜ୍ୟମାନଃ ॥ ୬୦॥
ଇତି ଶ୍ରୀବ୍ରହ୍ମାଣ୍ଡପୁରାଣେ ଉତ୍ତରଖଣ୍ଡେ ଅଧ୍ୟାତ୍ମରାମାୟଣମାହାତ୍ମ୍ୟଂ ସମ୍ପୂର୍ଣମ୍ ॥
ଅଧ୍ୟାତ୍ମରାମାୟଣମାହାତ୍ମ୍ୟମ୍ ବ୍ରହ୍ମାଣ୍ଡପୁରାଣେ
ଅଧ୍ୟାତ୍ମରାମାୟଣେ 2 ଅୟୋଧ୍ୟାକାଣ୍ଡମ୍
ଅଧ୍ୟାତ୍ମରାମାୟଣେ 3 ଅରଣ୍ୟକାଣ୍ଡମ୍
ଅଧ୍ୟାତ୍ମରାମାୟଣେ 4 କିଷ୍କିନ୍ଧାକାଣ୍ଡମ୍
ଅଧ୍ୟାତ୍ମରାମାୟଣେ 5 ସୁନ୍ଦରକାଣ୍ଡମ୍
ଅଧ୍ୟାତ୍ମରାମାୟଣେ 6 ଯୁଦ୍ଧକାଣ୍ଡମ୍
ଅଧ୍ୟାତ୍ମରାମାୟଣେ 7 ଉତ୍ତରକାଣ୍ଡମ୍
ଅଧ୍ୟାତ୍ମରାମାୟାଣାଧିଷ୍ଠିତା ଶ୍ରୀରାମନାମାବଲିଃ
.
Comments
Post a Comment