ହନୁମତ୍କୃତଂ ଶ୍ରୀରାମସ୍ତୋତ୍ରମ୍

କୋନ୍ୱୀଶ ତେ ପାଦରସୋବଭାଜାଂ

ସୁଦୁର୍ଲଭୋଽର୍ଥେଷୁ ଚତୁର୍ଷ୍ୱପୀହ ।

ତଥାଽପି ନାହଂ ପ୍ରବୃଣୋମି ଭୂମନ୍

ଭବତ୍ପଦାମ୍ଭୋଜନିଷେବଣାଦୃତେ ॥ ୧॥

ତ୍ୱମେବ ସାକ୍ଷାତ୍ପରମଃ ସ୍ୱତନ୍ତ୍ର-

ସ୍ତ୍ୱମେବ ସାକ୍ଷାଦଖିଲୋରୁଶକ୍ତିଃ ।

ତ୍ୱମେବ ଚାଗଣ୍ୟଗୁଣାର୍ଣବଃ ସଦା

ରମାବିରିଞ୍ଚାଦିଭିରପ୍ୟଶେଷୈଃ ॥ ୨॥

ସମେତ୍ୟ ସର୍ୱେଽପି ସଦା ବଦନ୍ତୋ-

ଽପ୍ୟନନ୍ତକାଲାଚ୍ଚ ନ ବୈ ସମାପ୍ନୁୟୁଃ ।

ଗୁଣାଂସ୍ତ୍ୱଦୀୟାନ୍ ପରିପୂର୍ଣସୌଖ୍ୟ-

ଜ୍ଞାନାତ୍ମକସ୍ତ୍ୱଂ ହି ସଦାଽତିଶୁଦ୍ଧଃ ॥ ୩॥

ଯସ୍ତେ କଥାସେବକ ଏବ ସର୍ୱଦା ସଦା

ରତିସ୍ତ୍ୱୟ୍ୟଚଲୈକଭକ୍ତିଃ ।

ସ ଜୀବମାନୋ ନ ପରଃ କଥଞ୍ଚିତ୍

ତଜ୍ଜୀବନଂ ମେଽସ୍ତ୍ୱଧିକଂ ସମସ୍ତାତ୍ ॥ ୪॥

ପ୍ରବର୍ଧତାଂ ଭକ୍ତିରଲଂ କ୍ଷଣେ କ୍ଷଣେ

ତ୍ୱୟୀଶ ମେ ହ୍ରାସବିବର୍ଜିତା ସଦା ।

ଅନୁଗ୍ରହସ୍ତେ ମୟି ଚୈବମେବ

ନିରୂପଧୌ ତୌ ମମ ସର୍ୱକାମଃ ॥ ୫॥

ଇତୀରିତସ୍ତସ୍ୟ ଦଦୌ ସ ତଦ୍ଦ୍ୱୟଂ

ପଦଂ ବିଧାତୁଃ ସକଲୈଶ୍ଚ ଶୋଭନମ୍ ।

ସମାଶ୍ଲିଷଚ୍ଚୈନମଥାର୍ଦ୍ରୟା ଧିୟା

ଯଥୋଚିତଂ ସର୍ୱଜନାନପୂଜୟତ୍ ॥ ୬॥

॥ ଇତି ଶ୍ରୀହନୁମତ୍କୃତଂ ଶ୍ରୀରାମସ୍ତୋତ୍ରଂ ସମ୍ପୂର୍ଣମ୍ ॥

ରାମ ଉପାସନା