ରାମନାମମହିମା

ରାମନାମମହିମା

(ଗୀତିବୃତ୍ତଂ)

ରାମ! । ତବ ନାମ ହିତ୍ୱା ମନ୍ତ୍ରାନନ୍ୟାଞ୍ଜପଞ୍ଜନୋ ମନ୍ଦଃ ।

ତ୍ୟକ୍ତ୍ୱା ଚିନ୍ତାରତ୍ନଂ ଗୃହ୍ଣନ୍ନିତରାନ୍ମଣୀନ୍କଥଂ ସୁଜ୍ଞଃ ॥ ୧॥

ତବ ନାମ୍ନୈବ କବିମୁଖଂ ଭାତି ନ ଚାନ୍ୟେନ ଶଗ୍ଦଶାସ୍ତ୍ରେଣ ।

ଅଶିବମସିନ୍ଦୂରତିଲକମପି ରତ୍ନଭୃଦେବ ସୁଭ୍ରୁବୋ ବଦନମ୍ ॥ ୨॥

ଯୋ ନାମ ବଜ୍ରକବଚଂ ତବ ଚନ୍ଦ୍ରକଲାବତଂସନୁତ! । ଧତ୍ତେ ।

ରଘୁନାୟ! ଜଗତି ସକଲେ ସ କଲେରତିଦୁଃସହଃ ପୁମାନେକଃ ॥ ୩॥

ଅପି ଯସ୍ମୈ କସ୍ମୈଚିଜ୍ଜପତେ ଦୀୟନ୍ତ ଏବ ନାମ୍ନା ଯାଃ ।

ଦାତୁମଲଂ ତାଃ ସିଦ୍ଧୀରଧିକାରାପେକ୍ଷିଣୋ ହି ନାମାମ୍ନାୟାଃ(୧) ॥ ୪॥

ମଜ୍ଜୟତି ଶ୍ରିତମିତରା ଜନମଜକୁଲତିଲକ! । କା ନ ନୌକାଽସ୍ତାଂ ।

ତର୍ତୁଂ ଶ୍ରିତା ବୟଂ ଯାଂ ପଦୟୁଗୁଲୀଂ ତେ ସକାନନୋକାସ୍ତାମ୍ ॥ ୫॥

ସ୍ଫୁଟତୁ ଶତଧା ଶ୍ରୁତେ ସ୍ୱୟି ଯତ୍ରାଶ୍ରୁନପିତମେବତତ୍ତୂରଃ ।

ଧତ୍ତେଽଭକ୍ତଃ(୨) ପଶୁରପି ନୃତ୍ୱଂ କନକରବମିବ ସ ଧତ୍ତୂରଃ ॥ ୬॥

ଭୂତିଂ ବିଭର୍ତି ତନୁତେ ଗତିମପି ଚ ବୃଷେଣ ସତ୍ୟସୁପ୍ରିୟକୃତ୍ ।

କାମଂ ହରତି ହରତି ତେ ନାମ ଶ୍ରୀରାମ ବୈଶ୍ରବଣମିତ୍ରମ୍ ॥ ୭॥

ପିବତଃ ସୁରଭେଃ ସ୍ତନ୍ୟଂ ବରସସ୍ୟାଣ୍ୱପି ତଥା ନ ରାମ! । ହିତଂ ।

ଜନ୍ତୋ ମ ଯଥା ତେଽପ୍ୟମରା ନ ପିବନ୍ତ୍ୟଦୋ ନ ରାମହିତମ୍ ॥ ୮॥

ନାମ୍ନୀବାମୋତି ନ ଶଂ କାରୁଣ୍ୟନଦୀନ(୩)! । ମାତୁରଙ୍କେଽପି ।

ନାମ୍ନୋଽନ୍ୟେ ତ୍ରାତୁମଲଂ ଲୋକେଷୁ ନ ଦୀନମାତୁରଂ କେଽପି ॥ ୯॥

ପ୍ରାପ୍ୟ ତବ ନାମ ନିର୍ୱୃତ୍ତିମେତି ଯଥା ମାତୁରୁରସିଜ ବାଲଃ ।

ମଞ୍ଚୋଽପରଃ ପିପାସୋରିବ ଲିପ୍ତଃ କାମମୁରସି ଜମ୍ବାଲଃ(୪) ॥ ୧୦॥

ମାତୁଃ ସ୍ତନ୍ୟେନ ଯଥା ବାଲାସ୍ତ୍ୟକ୍ତାସ୍ତବାର୍ୟ ! । ନାମ୍ନା ଯେ ।

ସ୍ପଷ୍ଟଂ ଦେତରରସ ଇବ ଶକ୍ତିସ୍ତାଂସ୍ତ୍ରାତୁମସ୍ତି ନାମ୍ନାୟେ ॥ ୧୧॥

ଇତି ଶ୍ରୀରାମନନ୍ଦନମୟୂରେଶ୍ୱରକୃତା ରାମନାମମାହିମା(୫) ସମାପ୍ତା ।

ଟିପ୍ପଣି

୧। ଆମ୍ନାୟାଃ ବେଦାଃ ।

୨। ଯଥା ଧତ୍ତୂରଃ କନକସ୍ୟ ସୁବର୍ଣସ୍ୟ ସର୍ୱାନପି ପର୍ୟାୟାନ୍ ଧତ୍ତେ ନ ତୁ ସ ତତ୍ତ୍ୱତଃ ସୁବର୍ଣଂ ତଥୈବ ଅଭକ୍ତଃ ପଶୁପଦବାଚ୍ୟୋଽପି ବୃଥୈବ ନୃତ୍ତ୍ୱଂ ଧତ୍ତେ ।

୩। ନଦୀନାମିନଃ ସ୍ୱାମୀ । କାରୁଣ୍ୟନଦୀନଃ କରୁଣାସମୁଦ୍ର ଇତି ଯାବତ୍ ।

୪। ଜମ୍ବାଲଃ ପଙ୍କଃ ।

୫। ଅସ୍ୟ ପ୍ରକରଣସ୍ୟ ନାମ ନ କବିଲିଖିତମୁପଲଭ୍ୟତେ । ଅସ୍ମାଭିରେବ ପ୍ରକରଣାର୍ଥମନୁସୃତ୍ୟ ନାମୈତତ୍କଲ୍ପିତମିତି ଶାତବ୍ୟଂ ସହୃଦୟୈଃ ।

ରାମ ଉପାସନା