ଶ୍ରୀରାମରକ୍ଷାସ୍ତୋତ୍ରମ୍
ଶ୍ରୀରାମରକ୍ଷାସ୍ତୋତ୍ରମ୍
॥ ଓଁ ଶ୍ରୀଗଣେଶାୟ ନମଃ ॥
ଅସ୍ୟ ଶ୍ରୀରାମରକ୍ଷାସ୍ତୋତ୍ରମନ୍ତ୍ରସ୍ୟ । ବୁଧକୌଶିକ ଋଷିଃ ।
ଶ୍ରୀସୀତାରାମଚନ୍ଦ୍ରୋ ଦେବତା । ଅନୁଷ୍ଟୁପ୍ ଛନ୍ଦଃ ।
ସୀତା ଶକ୍ତିଃ । ଶ୍ରୀମଦ୍ ହନୁମାନ କୀଲକମ୍ ।
ଶ୍ରୀରାମଚନ୍ଦ୍ରପ୍ରୀତ୍ୟର୍ଥେ ରାମରକ୍ଷାସ୍ତୋତ୍ରଜପେ ବିନିୟୋଗଃ ॥
ଅଥ ଧ୍ୟାନମ୍ ।
ଧ୍ୟାୟେଦାଜାନୁବାହୁଂ ଧୃତଶରଧନୁଷଂ ବଦ୍ଧପଦ୍ମାସନସ୍ଥଂ
ପୀତଂ ବାସୋ ବସାନଂ ନବକମଲଦଲସ୍ପର୍ଧିନେତ୍ରଂ ପ୍ରସନ୍ନମ୍ ।
ବାମାଙ୍କାରୂଢ ସୀତାମୁଖକମଲମିଲଲ୍ଲୋଚନଂ ନୀରଦାଭଂ
ନାନାଲଙ୍କାରଦୀପ୍ତଂ ଦଧତମୁରୁଜଟାମଣ୍ଡନଂ ରାମଚନ୍ଦ୍ରମ୍ ॥
ଇତି ଧ୍ୟାନମ୍ ॥
ଚରିତଂ ରଘୁନାଥସ୍ୟ ଶତକୋଟି ପ୍ରବିସ୍ତରମ୍ ।
ଏକୈକମକ୍ଷରଂ ପୁଂସାଂ ମହାପାତକନାଶନମ୍ ॥ ୧॥
ଧ୍ୟାତ୍ୱା ନୀଲୋତ୍ପଲଶ୍ୟାମଂ ରାମଂ ରାଜୀବଲୋଚନମ୍ ।
ଜାନକୀଲକ୍ଷ୍ମଣୋପେତଂ ଜଟାମୁକୁଟମଣ୍ଡିତମ୍ ॥ ୨॥
ସାସିତୂଣଧନୁର୍ବାଣପାଣିଂ ନକ୍ତଞ୍ଚରାନ୍ତକମ୍ ।
ସ୍ୱଲୀଲୟା ଜଗତ୍ତ୍ରାତୁମାବିର୍ଭୂତମଜଂ ବିଭୁମ୍ ॥ ୩॥
ରାମରକ୍ଷାଂ ପଠେତ୍ପ୍ରାଜ୍ଞଃ ପାପଘ୍ନୀଂ ସର୍ୱକାମଦାମ୍ ।
ଶିରୋ ମେ ରାଘବଃ ପାତୁ ଭାଲଂ ଦଶରଥାତ୍ମଜଃ ॥ ୪॥
କୌସଲ୍ୟେୟୋ ଦୃଶୌ ପାତୁ ବିଶ୍ୱାମିତ୍ରପ୍ରିୟଃ ଶ୍ରୁତୀ ।
ଘ୍ରାଣଂ ପାତୁ ମଖତ୍ରାତା ମୁଖଂ ସୌମିତ୍ରିବତ୍ସଲଃ ॥ ୫॥
ଜିହ୍ୱାଂ ବିଦ୍ୟାନିଧିଃ ପାତୁ କଣ୍ଠଂ ଭରତବନ୍ଦିତଃ ।
ସ୍କନ୍ଧୌ ଦିବ୍ୟାୟୁଧଃ ପାତୁ ଭୁଜୌ ଭଗ୍ନେଶକାର୍ମୁକଃ ॥ ୬॥
କରୌ ସୀତାପତିଃ ପାତୁ ହୃଦୟଂ ଜାମଦଗ୍ନ୍ୟଜିତ୍ ।
ମଧ୍ୟଂ ପାତୁ ଖରଧ୍ୱଂସୀ ନାଭିଂ ଜାମ୍ବବଦାଶ୍ରୟଃ ॥ ୭॥
ସୁଗ୍ରୀବେଶଃ କଟୀ ପାତୁ ସକ୍ଥିନୀ ହନୁମତ୍ପ୍ରଭୁଃ ।
ଊରୂ ରଘୂତ୍ତମଃ ପାତୁ ରକ୍ଷଃକୁଲବିନାଶକୃତ୍ ॥ ୮॥
ଜାନୁନୀ ସେତୁକୃତ୍ପାତୁ ଜଙ୍ଘେ ଦଶମୁଖାନ୍ତକଃ ।
ପାଦୌ ବିଭୀଷଣଶ୍ରୀଦଃ ପାତୁ ରାମୋଽଖିଲଂ ବପୁଃ ॥ ୯॥
ଏତାଂ ରାମବଲୋପେତାଂ ରକ୍ଷାଂ ଯଃ ସୁକୃତୀ ପଠେତ୍ ।
ସ ଚିରାୟୁଃ ସୁଖୀ ପୁତ୍ରୀ ବିଜୟୀ ବିନୟୀ ଭବେତ୍ ॥ ୧୦॥
ପାତାଲଭୂତଲବ୍ୟୋମଚାରିଣଶ୍ଛଦ୍ମଚାରିଣଃ ।
ନ ଦ୍ରଷ୍ଟୁମପି ଶକ୍ତାସ୍ତେ ରକ୍ଷିତଂ ରାମନାମଭିଃ ॥ ୧୧॥
ରାମେତି ରାମଭଦ୍ରେତି ରାମଚନ୍ଦ୍ରେତି ବା ସ୍ମରନ୍ ।
ନରୋ ନ ଲିପ୍ୟତେ ପାପୈଃ ଭୁକ୍ତିଂ ମୁକ୍ତିଂ ଚ ବିନ୍ଦତି ॥ ୧୨॥
ଜଗଜ୍ଜୈତ୍ରୈକମନ୍ତ୍ରେଣ ରାମନାମ୍ନାଭିରକ୍ଷିତମ୍ ।
ଯଃ କଣ୍ଠେ ଧାରୟେତ୍ତସ୍ୟ କରସ୍ଥାଃ ସର୍ୱସିଦ୍ଧୟଃ ॥ ୧୩॥
ବଜ୍ରପଞ୍ଜରନାମେଦଂ ଯୋ ରାମକବଚଂ ସ୍ମରେତ୍ ।
ଅବ୍ୟାହତାଜ୍ଞଃ ସର୍ୱତ୍ର ଲଭତେ ଜୟମଙ୍ଗଲମ୍ ॥ ୧୪॥
ଆଦିଷ୍ଟବାନ୍ ଯଥା ସ୍ୱପ୍ନେ ରାମରକ୍ଷାମିମାଂ ହରଃ ।
ତଥା ଲିଖିତବାନ୍ ପ୍ରାତଃ ପ୍ରବୁଦ୍ଧୋ ବୁଧକୌଶିକଃ ॥ ୧୫॥
ଆରାମଃ କଲ୍ପବୃକ୍ଷାଣାଂ ବିରାମଃ ସକଲାପଦାମ୍ ।
ଅଭିରାମସ୍ତ୍ରିଲୋକାନାଂ ରାମଃ ଶ୍ରୀମାନ୍ ସ ନଃ ପ୍ରଭୁଃ ॥ ୧୬॥
ତରୁଣୌ ରୂପସମ୍ପନ୍ନୌ ସୁକୁମାରୌ ମହାବଲୌ ।
ପୁଣ୍ଡରୀକବିଶାଲାକ୍ଷୌ ଚୀରକୃଷ୍ଣାଜିନାମ୍ବରୌ ॥ ୧୭॥
ଫଲମୂଲାଶିନୌ ଦାନ୍ତୌ ତାପସୌ ବ୍ରହ୍ମଚାରିଣୌ ।
ପୁତ୍ରୌ ଦଶରଥସ୍ୟୈତୌ ଭ୍ରାତରୌ ରାମଲକ୍ଷ୍ମଣୌ ॥ ୧୮॥
ଶରଣ୍ୟୌ ସର୍ୱସତ୍ତ୍ୱାନାଂ ଶ୍ରେଷ୍ଠୌ ସର୍ୱଧନୁଷ୍ମତାମ୍ ।
ରକ୍ଷଃ କୁଲନିହନ୍ତାରୌ ତ୍ରାୟେତାଂ ନୋ ରଘୂତ୍ତମୌ ॥ ୧୯॥
ଆତ୍ତସଜ୍ଜଧନୁଷାବିଷୁସ୍ପୃଶାବକ୍ଷୟାଶୁଗନିଷଙ୍ଗସଙ୍ଗିନୌ ।
ରକ୍ଷଣାୟ ମମ ରାମଲକ୍ଷ୍ମଣାବଗ୍ରତଃ ପଥି ସଦୈବ ଗଚ୍ଛତାମ୍ ॥ ୨୦॥
ସନ୍ନଦ୍ଧଃ କବଚୀ ଖଡ୍ଗୀ ଚାପବାଣଧରୋ ଯୁବା ।
ଗଚ୍ଛନ୍ମନୋରଥୋଽସ୍ମାକଂ ରାମଃ ପାତୁ ସଲକ୍ଷ୍ମଣଃ ॥ ୨୧॥
ରାମୋ ଦାଶରଥିଃ ଶୂରୋ ଲକ୍ଷ୍ମଣାନୁଚରୋ ବଲୀ ।
କାକୁତ୍ସ୍ଥଃ ପୁରୁଷଃ ପୂର୍ଣଃ କୌସଲ୍ୟେୟୋ ରଘୂତ୍ତମଃ ॥ ୨୨॥
ବେଦାନ୍ତବେଦ୍ୟୋ ଯଜ୍ଞେଶଃ ପୁରାଣପୁରୁଷୋତ୍ତମଃ ।
ଜାନକୀବଲ୍ଲଭଃ ଶ୍ରୀମାନ୍ ଅପ୍ରମେୟ ପରାକ୍ରମଃ ॥ ୨୩॥
ଇତ୍ୟେତାନି ଜପନ୍ନିତ୍ୟଂ ମଦ୍ଭକ୍ତଃ ଶ୍ରଦ୍ଧୟାନ୍ୱିତଃ ।
ଅଶ୍ୱମେଧାଧିକଂ ପୁଣ୍ୟଂ ସମ୍ପ୍ରାପ୍ନୋତି ନ ସଂଶୟଃ ॥ ୨୪॥
ରାମଂ ଦୂର୍ୱାଦଲଶ୍ୟାମଂ ପଦ୍ମାକ୍ଷଂ ପୀତବାସସମ୍ ।
ସ୍ତୁବନ୍ତି ନାମଭିର୍ଦିବ୍ୟୈଃ ନ ତେ ସଂସାରିଣୋ ନରାଃ ॥ ୨୫॥
ରାମଂ ଲକ୍ଷ୍ମଣପୂର୍ୱଜଂ ରଘୁବରଂ ସୀତାପତିଂ ସୁନ୍ଦରମ୍ ।
କାକୁତ୍ସ୍ଥଂ କରୁଣାର୍ଣବଂ ଗୁଣନିଧିଂ ବିପ୍ରପ୍ରିୟଂ ଧାର୍ମିକମ୍ ।
ରାଜେନ୍ଦ୍ରଂ ସତ୍ୟସନ୍ଧଂ ଦଶରଥତନୟଂ ଶ୍ୟାମଲଂ ଶାନ୍ତମୂର୍ତିମ୍ ।
ବନ୍ଦେ ଲୋକାଭିରାମଂ ରଘୁକୁଲତିଲକଂ ରାଘବଂ ରାବଣାରିମ୍ ॥ ୨୬॥
ରାମାୟ ରାମଭଦ୍ରାୟ ରାମଚନ୍ଦ୍ରାୟ ବେଧସେ ।
ରଘୁନାଥାୟ ନାଥାୟ ସୀତାୟାଃ ପତୟେ ନମଃ ॥ ୨୭॥
ଶ୍ରୀରାମ ରାମ ରଘୁନନ୍ଦନ ରାମ ରାମ
ଶ୍ରୀରାମ ରାମ ଭରତାଗ୍ରଜ ରାମ ରାମ ।
ଶ୍ରୀରାମ ରାମ ରଣକର୍କଶ ରାମ ରାମ
ଶ୍ରୀରାମ ରାମ ଶରଣଂ ଭବ ରାମ ରାମ ॥ ୨୮॥
ଶ୍ରୀରାମଚନ୍ଦ୍ରଚରଣୌ ମନସା ସ୍ମରାମି
ଶ୍ରୀରାମଚନ୍ଦ୍ରଚରଣୌ ବଚସା ଗୃଣାମି ।
ଶ୍ରୀରାମଚନ୍ଦ୍ରଚରଣୌ ଶିରସା ନମାମି
ଶ୍ରୀରାମଚନ୍ଦ୍ରଚରଣୌ ଶରଣଂ ପ୍ରପଦ୍ୟେ ॥ ୨୯॥
ମାତା ରାମୋ ମତ୍ପିତା ରାମଚନ୍ଦ୍ରଃ
ସ୍ୱାମୀ ରାମୋ ମତ୍ସଖା ରାମଚନ୍ଦ୍ରଃ ।
ସର୍ୱସ୍ୱଂ ମେ ରାମଚନ୍ଦ୍ରୋ ଦୟାଲୁ-
ର୍ନାନ୍ୟଂ ଜାନେ ନୈବ ଜାନେ ନ ଜାନେ ॥ ୩୦॥
ଦକ୍ଷିଣେ ଲକ୍ଷ୍ମଣୋ ଯସ୍ୟ ବାମେ ତୁ ଜନକାତ୍ମଜା ।
ପୁରତୋ ମାରୁତିର୍ୟସ୍ୟ ତଂ ବନ୍ଦେ ରଘୁନନ୍ଦନମ୍ ॥ ୩୧॥
ଲୋକାଭିରାମଂ ରଣରଙ୍ଗଧୀରଂ
ରାଜୀବନେତ୍ରଂ ରଘୁବଂଶନାଥମ୍ ।
କାରୁଣ୍ୟରୂପଂ କରୁଣାକରଂ ତଂ
ଶ୍ରୀରାମଚନ୍ଦ୍ରମ୍ ଶରଣଂ ପ୍ରପଦ୍ୟେ ॥ ୩୨॥
ମନୋଜବଂ ମାରୁତତୁଲ୍ୟବେଗଂ
ଜିତେନ୍ଦ୍ରିୟଂ ବୁଦ୍ଧିମତାଂ ବରିଷ୍ଠମ୍ ।
ବାତାତ୍ମଜଂ ବାନରୟୂଥମୁଖ୍ୟଂ
ଶ୍ରୀରାମଦୂତଂ ଶରଣଂ ପ୍ରପଦ୍ୟେ ॥ ୩୩॥
କୂଜନ୍ତଂ ରାମ ରାମେତି ମଧୁରଂ ମଧୁରାକ୍ଷରମ୍ ।
ଆରୁହ୍ୟ କବିତାଶାଖାଂ ବନ୍ଦେ ବାଲ୍ମୀକିକୋକିଲମ୍ ॥ ୩୪॥
ଆପଦାମପହର୍ତାରଂ ଦାତାରଂ ସର୍ୱସମ୍ପଦାମ୍ ।
ଲୋକାଭିରାମଂ ଶ୍ରୀରାମଂ ଭୂୟୋ ଭୂୟୋ ନମାମ୍ୟହମ୍ ॥ ୩୫॥
ଭର୍ଜନଂ ଭବବୀଜାନାମର୍ଜନଂ ସୁଖସମ୍ପଦାମ୍ ।
ତର୍ଜନଂ ଯମଦୂତାନାଂ ରାମ ରାମେତି ଗର୍ଜନମ୍ ॥ ୩୬॥
ରାମୋ ରାଜମଣିଃ ସଦା ବିଜୟତେ ରାମଂ ରମେଶଂ ଭଜେ
ରାମେଣାଭିହତା ନିଶାଚରଚମୂ ରାମାୟ ତସ୍ମୈ ନମଃ ।
ରାମାନ୍ନାସ୍ତି ପରାୟଣଂ ପରତରଂ ରାମସ୍ୟ ଦାସୋଽସ୍ମ୍ୟହଂ
ରାମେ ଚିତ୍ତଲୟଃ ସଦା ଭବତୁ ମେ ଭୋ ରାମ ମାମୁଦ୍ଧର ॥ ୩୭॥
ରାମ ରାମେତି ରାମେତି ରମେ ରାମେ ମନୋରମେ ।
ସହସ୍ରନାମ ତତ୍ତୁଲ୍ୟଂ ରାମନାମ ବରାନନେ ॥ ୩୮॥
ଇତି ଶ୍ରୀବୁଧକୌଶିକବିରଚିତଂ ଶ୍ରୀରାମରକ୍ଷାସ୍ତୋତ୍ରଂ ସମ୍ପୂର୍ଣମ୍ ॥
॥ ଶ୍ରୀସୀତାରାମଚନ୍ଦ୍ରାର୍ପଣମସ୍ତୁ ॥
.
Comments
Post a Comment