ଶ୍ରୀରାମଚନ୍ଦ୍ରବନ୍ଦନା
ଶ୍ରୀରାମଚନ୍ଦ୍ରବନ୍ଦନା
॥ ଶ୍ରୀସୀତାରାମଚନ୍ଦ୍ରପରବ୍ରହ୍ମଣେ ନମଃ ॥
ଧରିତ୍ରିଜାଧରାମ୍ବୁଜାମୃତାଶନୀମଧୁବ୍ରତଂ
ତଦାସ୍ୟପୂର୍ଣଶର୍ୱରୀଶଚନ୍ଦ୍ରିକାଶୟାଜୁଷମ୍ ।
ମଖାଗ୍ନିଗର୍ଭଜାହୃଦମ୍ବୁଜନ୍ମସପ୍ତବାଜିଗଂ
ଭଜାମି ନିତ୍ୟସୁନ୍ଦରଂ ଶଶିନ୍କଲାବ୍ଦବିଗ୍ରହମ୍ ॥ ୧॥
ଜାମଦଗ୍ନ୍ୟଦର୍ପଶିଙ୍ଗଜାମଦଗ୍ନ୍ୟଶସ୍ତ୍ରକଂ
ନିର୍ଜରେଶଦର୍ପତୁଙ୍ଗନିର୍ଜରେଶ୍ୱରାୟୁଧମ୍ ।
ଦିଗ୍ରଥାଲୟକ୍ରତୂଗ୍ରପିଙ୍ଗତସ୍କରାଚ୍ୟୁତ-
ମାନରାହୁମୁଣ୍ଡହର୍ତୃହେତିରାଜଚକ୍ରକମ୍ ॥ ୨॥
ବାତଜାତଜାତଘାତଭୂତିଭୂତଲଙ୍କିନୀ-
ପ୍ରେତକେତକେତତୁଙ୍ଗପୁଙ୍ଗବଙ୍ଗମଙ୍ଗଲମ୍ ।
ବାରିଜନ୍ମଜନ୍ମଜନ୍ମସୁଗ୍ରହାରରାନ୍ତକ-
ହୃତ୍ସରୋବରେଽବଲୀଲହଂସବ୍ରହ୍ମଣେ ନମଃ ॥ ୩॥
କଲଶଶ୍ରୁତିନୀରଦନାଦମୁଖାସୁରକୁଞ୍ଜରପଞ୍ଚମୁଖୋଗ୍ରରଦମ୍ ।
ଦୟିତାକ୍ଷପଦାଶ୍ମକୁରୂପହରଂ ହରଭୀହରଣିଂ ହରକାର୍ମୁକହମ୍ ॥ ୪॥
ସ୍ୟନ୍ଦନାଙ୍ଗପାଣବାଣପାଣସେବନାର୍ଥଭୂ-
ଲକ୍ଷ୍ମଣାଭିଧେୟଲକ୍ଷ୍ମିମନ୍ଦିରସ୍ୟ ପୂର୍ୱଜମ୍ ।
ଦତ୍ତକୈକୟୀଜମୂର୍ତିଧାରିନର୍କପାଦୁକଂ
ଶତ୍ରୁହନ୍ତୃଭାବଗନ୍ତୃବିଘ୍ନହନ୍ତୃଶଂସିତମ୍ ॥ ୫॥
ପ୍ରଜେଶପୂର୍ୱକୀଟଶେଷଜୀବମଧ୍ୟମାସନଂ
ପ୍ରଚେତସାନ୍ତରେଽତିଭୀତିଦାତୃଶଲ୍ୟପାଣିନମ୍ ।
ପ୍ରଫୁଲ୍ଲପଙ୍କସମ୍ଭବାଭନୀଲଲୋଲଲୋଚନଂ
ପ୍ରମୋଦଦାବରାସକର୍ତୃବାରିବାହଭଂ ଭଜେ ॥ ୬॥
ଦିଙ୍ମୁଖାନ୍ତସିଦ୍ଧିୟୁଦ୍ଧେ ଧାରିତାତିଭୀଷଣ-
ତାଣ୍ଡବାକୃତିଞ୍ଚ ଘୂର୍ଣନେତ୍ରବନ୍ତଦିଙ୍ମୁଖମ୍ ।
ରାବଣାଭିଧେୟକାନନାନ୍ତରତ୍ନଧାତମଂ
ଜାନକୀପ୍ରଣୀତଦିଗ୍ଧରଙ୍ଗନାୟକଂ ଭଜେ ॥ ୭॥
ନିସ୍ସୀମବ୍ରହ୍ମାଣ୍ଡଜନିତ୍ରୀପାତ୍ରୀହର୍ତ୍ରୀତିରୋଧାନକର୍ତ୍ର୍ୟାଦିଶକ୍ତେଃ ।
ସୀରାକ୍ରପୁଣ୍ୟାଗଗର୍ଭୋଦ୍ଗତାହିର୍ବୁଧ୍ନ୍ୟାର୍ଧଗାୟାଃ ପ୍ରାଣାଧିକେଷ୍ଟମ୍ ॥ ୮॥
କଶ୍ଚିଦେକଭକ୍ତଚିତ୍ତସାଗରୋତ୍ଥିତଂ ତ୍ୱିଦଂ
ରାମଚନ୍ଦ୍ରବନ୍ଦନେନ୍ଦିରାସହୋଦରଂ ବରମ୍ ।
ଦ୍ୱୈତମୋହଜନ୍ୟବନ୍ଧହାରି ଯସ୍ୟ ଚନ୍ଦ୍ରିକା
ହଂସଦର୍ଶନଂ ବିମାନରାମଭଦ୍ରଭାରତୀମ୍ ॥ ୯॥
॥ ପ୍ରାର୍ଥନା ॥
ଭବଭାନୋସ୍ତ୍ରିତାପାଂଶୁକୂଲିତୋଽହଂ ରଘୂତ୍ତମ ।
ଏବଂ ଜ୍ଞାତ୍ୱାଚଲାଜେଶ କୁରୁ ମାଂ ତବ ସର୍ୱଦା ॥ ୧॥
ମତ୍ସମୋ ମାର୍ଗଣଃ ନାସ୍ତି ପ୍ରଦାତା ତ୍ୱତ୍ସମୋ ନ ହି ।
ରାମାୟଂ ଯାଚକଂ ଦାତୁଂ ତବ ଭକ୍ତିମହଦ୍ଧନମ୍ ॥ ୨॥
ରାଜା ରାମେତି ବିଖ୍ୟାତାହୋ ତ୍ୱଂ ମଚ୍ଚିତ୍ତଚୋରକ ।
ହେ ମଦ୍ଧୃଦିକବାଟଘ୍ନ ତିଷ୍ଠସ୍ୟେକାତ୍ର ସର୍ୱଦା ॥ ୩॥
ନମସ୍ସାକେତକେତାୟ ଜନନଚକ୍ରଭଙ୍ଗିନେ ।
ବୈଦେହୀସକ୍ତଚିତ୍ତାୟ ରାମଚନ୍ଦ୍ରାୟ ତେ ନମଃ ॥ ୪॥
ଜନନୀ ଜାନକୀ ଦେବୀ ପିତା ଦେବୋ ରଘୂତ୍ତମଃ ।
ବାନ୍ଧବାଃ ରାମଭକ୍ତାଶ୍ଚ ସ୍ୱଦେଶୋ ଭୁବନତ୍ରୟମ୍ ॥ ୫॥
ଇତି ଦାସୋପାଖ୍ୟ-ଶଙ୍ଖଦୀପରଚିତଂ ଶ୍ରୀରାମଚନ୍ଦ୍ରବନ୍ଦନା ସମ୍ପୂର୍ଣମ୍ ॥
॥ ଶ୍ରୀସୀତାରାମଚନ୍ଦ୍ରପରବ୍ରହ୍ମଣେ ନମଃ ॥
.
Comments
Post a Comment