ଶ୍ରୀରାମସୁପ୍ରଭାତମ୍

 ଶ୍ରୀରାମସୁପ୍ରଭାତମ୍ 

ଶ୍ରୀରାମ କୋସଲସୁତାଜଠରାମୃତାବ୍ଧି-

     ପୀୟୂଷଭା ଦଶରଥାଙ୍କବିଭୂଷଣଗ୍ରଥ ।

ସାକେତବାସିଜନନେତ୍ରସୁଧାଞ୍ଜନଶ୍ରୀଃ ।

     ସ୍ୱାମିନ୍କୃପାଜଲନିଧେ ତବ ସୁପ୍ରଭାତମ୍ ॥ ୧॥

 ଶ୍ରୀରାମ କୌଶିକମଖାବନ ସୁନ୍ଦପତ୍ନୀ -

     ପ୍ରାଣାଶୁଗାହିବର ବାଲମନୁଷ୍ୟରୂପ ।

ମାରୀଚମତ୍ତଗଜସିଂହ ସୁବାହୁଶୈଲ-

     ବଜ୍ରାଭସାୟକବତସ୍ତବ ସୁପ୍ରଭାତମ୍ ॥ ୨॥

ଶ୍ରୀରାମ ଶଙ୍କରଶରାସବରେକ୍ଷୁଦଣ୍ଡ-

     ମତ୍ତେଭ ମୈଥିଲସୁତାନନପଦ୍ମଭୃଙ୍ଗ ।

ଶ୍ରୀଜାମଦଗ୍ନ୍ୟମଦନାମମହାନ୍ଧକାର-

     ସୂର୍ୟାଭ ବୀର୍ୟଜଲଧେ ତବ ସୁପ୍ରଭାତମ୍ ॥ ୩॥

ଶ୍ରୀରାମ ତାତବଚସୋଜ୍ଝିତୟୌବରାଜ୍ୟ

     ଶ୍ରୀମତ୍ସୁମନ୍ତ୍ରପରିଦର୍ଶିତଦିବ୍ୟରୂପ ।

ଆଲିଙ୍ଗନେନ ଦୃଢିତାତିନିଷାଦସଖ୍ୟ

      ଶ୍ରୀଚିତ୍ରକୂଟଗୃହିଣସ୍ତବ ସୁପ୍ରଭାତମ୍ ॥ ୪॥

ଶ୍ରୀରାମ ଦଣ୍ଡକବନାଗମନାନସୂୟା-

      ଦତ୍ତାଙ୍ଗରାଗଲସିତାବନିଜାସହାୟ ।

ହତ୍ୱା ବିରାଧମନୁଦୃଷ୍ଟମୁନୀନ୍ଦ୍ରସଙ୍ଘ

     ସମ୍ପୂଜ୍ୟମାନଗୃହିଣସ୍ତବ ସୁପ୍ରଭାତମ୍ ॥ ୫॥

ଇତି ଶ୍ରୀରାମସୁପ୍ରଭାତଂ ସମ୍ପୂର୍ଣମ୍ ।

.