ଆମନ୍ତ୍ରଣୋତ୍ସବସ୍ତୋତ୍ରମ୍
ଆମନ୍ତ୍ରଣୋତ୍ସବସ୍ତୋତ୍ରମ୍
ଆମନ୍ତ୍ରଣଂ ତେ ନିଗମୋକ୍ତମନ୍ତ୍ରୈସ୍ତନ୍ତ୍ରପ୍ରବେଶାୟ ମନୋହରାୟ ।
ଶ୍ରୀରାମଚନ୍ଦ୍ରାୟ ସୁଖପ୍ରଦାୟ କରୋମ୍ୟହଂ ତ୍ୱଂ କୃପୟା ଗୃହାଣ ॥ ୧॥
ସତ୍ୟାଧିରାଜାର୍ଚିତପାଦପଦ୍ମ ଶ୍ରୀମଧ୍ୱସମ୍ପୂଜିତ ସୁନ୍ଦରାଙ୍ଗ ।
ଶ୍ରୀଭାର୍ଗବୀସନ୍ନୁତମନ୍ଦହାସ ଶ୍ରୀବ୍ୟାସଦେବାୟ ନମୋ ନମସ୍ତେ ॥ ୨॥
ଅନନ୍ତରୂପୈରଜିତାଦିଭିଶ୍ଚ ପରାଦିଭିଶ୍ଶ୍ରୀବୃହତୀସହସ୍ରଃ ।
ବିଶ୍ୱାଦିଭିଶ୍ଚୈବ ସହସ୍ରରୂପୈର୍ନାରାୟଣାଦ୍ୟଷ୍ଟଶତୈରଜାଦ୍ୟୈଃ ॥ ୩॥
ଏକାଧିପଞ୍ଚାଶଦିତୈଶ୍ଚ ରୂପୈଶ୍ଶ୍ରୀକେଶବାଦ୍ୟୈଶ୍ଚ ଚତୁର୍ସ୍ସୁବିଂଶୈଃ ।
ମତ୍ସ୍ୟାଦିଭିସ୍ସ୍ୱଚ୍ଛଦଶସ୍ୱରୂପୈର୍ୱିଶ୍ୱାଦିଭିଶ୍ଚାଷ୍ଟଭିରଗ୍ରରୂପୈଃ ॥ ୪॥
ତଥାଽନିରୁଦ୍ଧାଦିଚତୁସ୍ସ୍ୱରୂପୈର୍ଗୋବ୍ରାହ୍ମଣଶ୍ରୀତୁଲସୀନିବାସୈଃ ।
ମନ୍ତ୍ରେଶରୂପୈଃ ପରମାଣୁପୂର୍ୱସମ୍ବତ୍ସରାନ୍ତାମଲକାଲରୂପୈଃ ॥ ୫॥
ଜ୍ଞାନାଦିନ୍ଦୈସ୍ସ୍ଥାବରଜଙ୍ଗମସ୍ଥୈରବ୍ୟାକୃତାକାଶବିହାରରୂପୈଃ ।
ନାରାୟଣାଖ୍ୟେନ ତଥାଽନିରୁଦ୍ଧରୂପେଣ ସକ୍ଷ୍ମୋଦଗତେନ ତୁଷ୍ଟୈଃ ॥ ୬॥
ପ୍ରଦ୍ୟୁମ୍ନସଙ୍କର୍ଷଣନାମକାଭ୍ୟାଂ ଭୋକ୍ତୃସ୍ଥିତାଭ୍ୟାଂ ଭୁଜିଶକ୍ତିଦାଭ୍ୟାମ୍ ।
ଶ୍ରୀବାସୁଦେବେନ ନଭଃସ୍ଥିତେନ ହ୍ୟଭୀଷ୍ଟଦେନାଖିଲସଦ୍ଗୁଣେନ ॥ ୭॥
ଅଶ୍ୱାଦିସଦ୍ୟାନଗତେନ ନିତ୍ୟମାରୂଢରୂପେଣ ସୁସୌଖ୍ୟଦେନ ।
ବିଶ୍ୱାଦିଜାଗ୍ରଦ୍ୱିନିୟାମକେନ ସ୍ୱପ୍ନସ୍ଥପାଲେନ ଚ ତେଜସେନ ॥ ୮॥
ପ୍ରାଜ୍ଞୈନ ସୌଷୁପ୍ତିକପାଲକେନ ତୁର୍ୟେଣ ମୂର୍ଧ୍ନି ସ୍ଥିତିୟୁକ୍ପରେଣ ।
ଆତ୍ମାନ୍ତରାତ୍ମେତ୍ୟଭିଧେନ ହୃତ୍ସ୍ଥରୂପଦ୍ୱୟେନାଖିଲସାରଭୋକ୍ତ୍ରା ।
ହୃତ୍ପଦ୍ମମୂଲାଗ୍ରଗସର୍ୱଗୈଶ୍ଚ ରୂପତ୍ରୟେଣାଖିଲଶକ୍ତିଭାଜା ।
କୃଦ୍ଧୋଲ୍କରୂପୈର୍ହୃଦୟାଦିସଂସ୍ଥୈଃ ପ୍ରାଣାଦିଗୈରନ୍ନମୟାଦିଗୈଶ୍ଚ ॥ ୧୦॥
ଇଲାବୃତାଦ୍ୟାମଲଖଣ୍ଡସଂସ୍ଥୈଃ ପ୍ଲକ୍ଷାଦିସଦ୍ଦ୍ୱୀପସମୁଦ୍ରଧିଷ୍ଣ୍ୟୈଃ ।
ମେରୁସ୍ଥକିଂସ୍ତୁଘ୍ନଗକାଲଚକ୍ରଗ୍ରହଗ୍ରହାନୁଗ୍ରହିଭିଶ୍ଚ ଲୋକୈଃ ॥ ୧୧॥
ନାରାୟଣୀପୂର୍ୱବଧୂରୁରୂପୈସ୍ତ୍ରିଧାମଭିର୍ଭାରସୁରଧାମଭିଶ୍ଚ ।
ଶ୍ରୀମୂଲରାମପ୍ରତିମାଦିସଂସ୍ଥଶ୍ରୀରାମଚନ୍ଦ୍ରଖିଲସଦ୍ଗୁଣାବ୍ଧେ ॥ ୧୨॥
ସୀତାପତେ ଶ୍ରୀପରମାବତାର ମାବାଦିଭିର଼୍ବ୍ରାହ୍ମମୁଖୈଶ୍ଚ ଦେବୈଃ ।
ଦିକ୍ପାଲକୈସ୍ସାକମନନ୍ତସୌଖ୍ୟସମ୍ପୂର୍ଣସଦ୍ଭକ୍ତଦୟାମ୍ବୁରାଶେ ॥ ୧୩॥
ସତ୍ୟାଧିରାଜାର୍ୟହୃଦବ୍ଜବାସ ଶ୍ରୀମଧ୍ୱହୃତ୍ପଙ୍କଜକୋଶବାସ ।
ମଦ୍ୱିମ୍ବରୂପେଣ ଭବୈକ୍ୟଶାଲୀ ଚାମନ୍ତ୍ରିତସ୍ତ୍ୱଦ୍ୟ ନମୋ ନମସ୍ତେ ॥
ବରାକ୍ଷତାନ୍ କାଞ୍ଚନମୁଦ୍ରିକାଶ୍ଚ ମନ୍ତ୍ରେଣ ହେମ୍ନଶ୍ଚଷକେ ନିଧାୟ ।
ସୀତାପତେ ତେ ପୁରତଶ୍ଶ୍ରୁତେସ୍ତୁ ପ୍ରଦଧ୍ୟୁରେବଂ ଭଗବତ୍ସ୍ୱରୂପମ୍ ॥ ୧୫॥
ହିରଣ୍ୟରୂପସ୍ସହିରଣ୍ୟସମ୍ବୃଦଗପାନ୍ନପାସ୍ତେଦୁହିରଣ୍ୟବର୍ଣଃ ।
ହିରଣ୍ୟଯାତ୍ପରିୟୋନେ ନିଷଧ୍ୟା ହିରଣ୍ୟଦାଦଦତ୍ୟନ୍ନମସ୍ମେ ॥ ୧୬॥
ବସିଷ୍ୟୋତ୍ତମବସ୍ତ୍ରାଣି ଭୂଷଣୈରପ୍ୟଲଙ୍କୁରୁ ।
କୁର୍ୱନ୍ନୁତ୍ସବମତ୍ୟନ୍ତମସ୍ମଦୀୟଂ ମଖଂ ଯଜ ॥ ୧୭॥
ବସିଷ୍ୟାମି ଯେଧ୍ରବସ୍ତ୍ରାଣ୍ୟୂର୍ଜାପତେ ସୋମନୋ ଅଧ୍ୱରଂ ଯଜ ।
ମନ୍ତ୍ରିତୋଽସି ଦେବେଶ ପୁରାଣପୁରୁଷୋତ୍ତମ ।
ମନ୍ତ୍ରେଶୈର୍ଲୋକପାଲୈଶ୍ଚ ସାର୍ଧଂ ଦେବଗଣୈଃ ଶ୍ରିୟା ॥ ୧୮॥
ତ୍ରିକାଲପୂଜାସୁ ଦୟାର୍ଦ୍ରଦୃଷ୍ଟ୍ୟା ମୟାର୍ପିତଂ ଚାର୍ହଣମାଶୁ ସତ୍ତ୍ୱମ୍ ।
ଗୃହାଣ ଲୋକାଧିପତେ ରମେଶ ମମାପରାଧାନ୍ ସକଲାନ୍ କ୍ଷମସ୍ୱ ॥ ୧୯॥
ଶ୍ରୀମତ୍ସତ୍ୟପ୍ରମୋଦାର୍ୟହୃନ୍ନିବାସ୍ୟନିଲେଶିତା ।
ସତ୍ୟଜ୍ଞାନାନନ୍ତଗୁଣଃ ପ୍ରୀୟତାଂ ବାଦରାୟଣଃ ॥ ୨୦॥
ଇତି ଆମନ୍ତ୍ରଣୋତ୍ସବସ୍ତୋତ୍ରଂ ସମ୍ପୂର୍ଣମ୍ ।
.
Comments
Post a Comment